admin Actividades, Carreira a pé, Festórreo, Fotografía

Estamos de volta

Despois dunha longa travesía por terra de viruses, volcáns e guerras, a Asociación Cultural Canle volve á carga.

Para este verán estamos traballando nos seguintes eventos:

  • Monólogo Luis Zahera “chungo” 25 de xuño.
  • Exposición fotográfica “Olladas Oceánicas” dende o 26 de xuño ata o 23 de xullo.
  • Festórreo 30 de xullo.
  • Carreira a pé 13 de agosto.

admin Actividades, Canle, Eventos

Presentación Ám@me

O vindeiro 22 de xuño terá lugar na Lonxa Vella a presentación do libro Ám@me das escritoras Chis Oliveira e Amada Traba.

Ám@me é un libro que aborda da man de dúas das expertas que máis e mellor teñen traballado en Galicia as cuestións da sexualidade e a educación emocional na mocidade no noso país, a necesidade de reflexionar arredor das relacións amorosas e a aprendizaxe do amor.

admin Canle, Festórreo, Vídeos Festórreo

Festórreo 2018

O pasado sábado 28 de xullo selebramos o Festórreo por todo o alto, cun Canle Nius nutrido polas reformas en Portocubelo e pola competisión Operasión Trunfos entre o jrupo Titánicas e os Mariachis.
As reporteiras Lusía e Noa deron conta das novidades en Portocubelo Beach:
[youtube https://www.youtube.com/watch?v=6u6SDWxcuw8]
Sejún informaron Mijel Clariso e Xaquín da Burrica, unha ajria disputa xojando ó tute no Pedra Pas deu lujar á emosionante competisión, da que vos deixamos testemuño en vídeos (preparasión das actuasións coas profesoras Adhara e Patri e os psicólojos Fran e Eloi).
[youtube https://www.youtube.com/watch?v=wVinUUKQUFM]
[youtube https://www.youtube.com/watch?v=9g2GBeTf5Wk]
O combate solventouse en directo no propio Festórreo, e ante o empate trala votasión do xurado (Belén da Creja e Risto Anónimo da Montaña) e do público, houbo que recorrer ó VAR de Chema… pero como parese que quixo untar a Mijel e Xaquín cunhas nécoras para benefisiar ós Mariachis, o fallo decantouse polas Titánicas, que cantaron unha sejunda e triunfal volta do seu tema.
Aí vos vai un resumo da noite, que remataron os Radio Cos, Banda Xangai e 7 Setenta!
[youtube https://www.youtube.com/watch?v=MV5Tl2Vlj8Q]